Carpe diem
Si ta zë ditën
të diellnojë çasti
ta prek krahun e futurës
pa drithërimë ta përkëdhel
faqen e butë të fëmijës
Eh carpe diem carpe diem
Si ta zë ditën
kur bëhet e shkurtër
ta shoh ringjalljen
Në betejën e moteve
luajnë me pjellën time
e dita bëhet tjetërfare
me motivet e vdekura vërshimë
Si ta zë ditën që ikën
e zhytur në mote
që ishin e s’ishin të mijat
Si ta zë ditën
pa diellnuar çasti
Eh carpe diem carpe diem
(Përjetësi, Dukagjini, Pejë, 2001)