Shetia me kufoma
Veshur kam vdekjet e miliona njerëzve
Me gjithë kufomat e Reçakut në zemër
E frikën zënë për bishti
Hy në Unterkunfist Baraka nr.3
Me trishtimin mbathur
Gjunjët si purtekë më dridhen
Në Barakën nr.3 Majdanek
Më mbyllen veshët me dhembje
Syve koha më hedh hi
Kur shoh këpucët e
Maria Bielickës
Ua shkundi pluhurin nacist ngadalë
Gjithë udhët e botës i shetis me to
Dhe piskas
Nxjerr dhembjen e shekujve
Maria ebreje
do të jetë gëzuar
nga lotët e mi
që ia lanë këpucët