Paketuesi Kristo

Autorja: Blaga Dimitrova

Përkthyesi: Agim Vinca

Kristo, ti dreq i vërtetë!
Lavdi dhe nder i Bullgarisë!
Shpikës vellosh!
Iluzionist sensacionesh!
Fantast i shekullit!
Paketues i Niagarës,
i Urës Mirabo,
i Raihstagut,
i Empajr Stejt Billdingut,
i Urës së Bruklinit,
i Hiroshimës me çadra japoneze!
Ti, që mund të paketosh gjithçka –
thatësirën, erën, detin,
retë dhe majat me borë!
Paketoje frikën e atdheut tim!

Kristo – artist bullgar me famë botërore që jeton në SHBA, njihet si paketues (ambalazhues, dekorues) i shumë ndërtesave, monumenteve dhe objekteve të tjera të rëndësishme në botë.